BARAZA LA MADIWANI HALMASHAURI YA MANISPAA YA LIINDI.

Imetumwa: May 20th, 2023

Baraza hilo limefanyika ukumbi wa DDC Manispaa ya Lindi mei 20,2023 likiongozwa na mstahiki meya wa Manispaa ya Lindi Mhe Frank Magali pamoja na Mkurugenzi Mtendaji wa Manispaa ya Lindi Juma Mnwele, lakini pia lilipata kuhudhuriwa na mkuu wa wilaya ya Lindi Mhe. Shaibu Ndemanga , pia mwenyekiti wa CCM wilaya ya Lindi mjini Bakari Ali Bwatamu , vile vile madiwani wa kata zote zilizopo Manispaa ya Lindi walihudhuria, sambamba na wajumbe wa kamati ya ulinzi na usalama wilaya Lindi pamoja na wataalamu mbalimbali kutoka Halmashauri ya Manispaa ya Lindi.

Ajenda mbalimbali zilipata kujadiliwa kwenye baraza hilo,ikiwemo maswali sita ya papo kwa papo kutoka kwa madiwani yalipata kuwasilishwa mbele ya mwenyekiti wa baraza hilo ambaye ni mstahiki meya wa Manispaa ya Lindi na kupata kujibiwa na Mkurugenzi wa Manispaa ya Lindi Juma Mnwele.

Katika hatua nyingine mkuu wa wilaya ya Lindi Mhe Shaibu Ndemanga ambaye pia alipata kuhudhuria kayika baraza hilo, aliwapongeza wajumbe wa baraza hilo ambao ni madiwani kwa kazi kubwa wanazo zifanya kwenye kata zao,  lakini pia aliwapongeza madiwani wote kwa ushirikiano mkubwa wanao ufanya katika shughuli mbalimbali  hususani ni matukio maalum kama vile mwenge wa uhuru.

Aidha, Mhe .Ndemanga aliwapa pole madiwani wote kwa kumpoteza diwani wa mwenzao wa viti maalum katika kata ya Mipingo  lakini pia aliwapongeza madiwani wote kwa kuchukua hatua za haraka za kujaza pengo lake. Vile vile Mhe. Ndemanga alitoa taarifa kuhusu wanyama waharibifu ikiwemo tembo kwenye eneo la Milola , Manispaa ya Lindi pamoja na maeneo mengine ya Halmashauri ya Mtama, taarifa hiyo ni hatua zilizo chukuliwa na serikali kuongeza  askari wanyama pori kutoka askari wawili (2) ambao walikuwepo mpaka kufikia askari sita(6), ambao tayali wameshapatiwa mafunzo maalum, hata hivyo serikali imeahidi kuongeza zaidi askari wanyama pori lakini pia  serikali imetoa gari maalumu mpya mpya kwaajili ya kurahisisha  utendaji kazi wa askari hao vile vile serikali imetenga bajeti kwaajili ya upatikanaji wa mafuta , sambamba na hilo serikali imejenga kituo maalum  cha askari wanyama pori eneo la Milola kwaajili ya kudhibiti wanyama pori

Lakini pia  alichukua nafasi hiyo kutoa pole kwa wakazi wa Lindi ambao wameathirika  kutokana na wanyama pori. Katika hatua nyingine Mhe. Ndemanga alisisitiza wajumbe wa baraza hilo kusimamia suala la upatikanaji wa mapato katika halmashauri yetu.

Mwisho mstahiki meya wa Manispaa ya Lindi Mhe. frank Magali amesisitiza wajumbe wa baraza hilo kuchakikisha wakazi wa Manispaa ya Lindi wana changamkia fursa ya viwanja 3200 vitakavyo  tangazwa kuuzwa katika eneo la Mto mkavu kuelekea Mbanja kwani vianja hivyo ni mali ya wananchi wote na wanatakiwa kuchangamkia fursa ya viwanja hivyo. Lakini pia kuhakikisha wanafuatilia suala la upatikanaj wa mapato katika vijiji na mitaa yao. 

Sambmba na hilo mstahiki meya wa Manispaa ya Lindi alimpongeza Rais wa jamhuri ya muungano wa Tanzania Mhe. Dkt . Samia Suluhu Hassan, kwa mambo  yote ya kimaendeleo anayo tuletea ndani ya Manispaa ya Lindi lakini pia mkoa wa Lindi kwa ujumla ikiwemo mradi wa ujenzi wa chuo cha oil and gas mradi ambao utatumia Bilioni 80 mradi huo upo katika eneo la Kikwetu pamoja na ujenzi wa chuo kikuu cha Dar es salaam ndaki ya kilimo ujenzi ambao unategemewa kujengwa kufikia mwezi wa sita mwaka huu katika eneo la Ngongo Manisapaa ya Lindi.