ZIARA YA MKUU WA MKOA MANISPAA YA LINDI

Imetumwa: July 13th, 2018

Mkuu wa mkoa wa Lindi Mhe. Godfrey Zambi ameipongeza Halmashauri ya Manispaa ya Lindi kwa  kuanzisha na kuwa na mradi mzuri  wa ujenzi wa  machinjio ya kisasa na kufurahishwa na kiwango cha ujenzi wa mradi huo.

Mkuu wa Mkoa ameyasema hayo akiwa kwenye ziara  katika Halmashauri ya Manispaa ya Lindi tarehe 13/06/2018  katika eneo la mradi wa machinjio ya kisasa  yaliyopo ngongo.

Akiwasilisha taarifa kuhusu maendeleo ya mradi huo, Afisa mifugo wa Manispaa ndugu Fadhili Chamwazi alisema kuwa  mradi huo una lengo la kuwanufaisha wananchi wa Halmashauri kwa kiasi kikubwa ikiwa ni pamoja na kuwapatia ajira vijana. Aidha alisema kuwa  maendeleo ya ujenzi wa mradi umeathiriwa na kipindi cha mvua na hivyo kupunguza kasi ya utendaji wa mkandarasi.

Katika ziara hiyo Mkuu wa Mkoa ametembelea miradi mbali mbali ikiwemo mradi wa ujenzi wa kituo cha Afya mnazimmoja  na alimuagiza Mkurugenzi wa Halmashauiri kukamilisha mradi huo hadi kufikia tarehe 30 October. Pia alitembelea mradi wa ujenzi wa kituo cha Afya Kineng’ene ambapo alipata fursa ya kuongea na wananchi wa eneo hilo.

Akiongea na wananchi hao Mkuu wa Mkoa aliwaasa wananchi kuwapeleka watoto wao shule, kusafisha mazingira yao kwa kuwa na vyoo vinavyokidhi mahitaji,na jamii nayo isikwepe jukumu la kuwasaidia wahitaji  na pia aliwataka kutokukubali  umaskini. 

”umasikini sio jambo la kujivunia" alisema.

Aidha, Mkuu wa Mkoa alipata fursa ya kutembelea eneo la viwanda vidogo vidogo Sido