ZIARA YA MHE.JAFO YATOA NENO KWA WANANCHI.

Imetumwa: September 21st, 2024

Waziri wa Viwanda na Biashara Mhe.Seleman Jafo ametamatisha Ziara yake Mkoani Lindi katika Manispaa ya Lindi Septemba 21,2024.

Katika Ziara hiyo Mhe.Jafo ametembelea Miradi Minne ambapo amekagua Barabara ya  Mtange kineng’ene   1.0km kwa kiwango cha lami tabaka 2 (DSD), ameweka Jiwe la Msingi Bweni  la Watoto Maalumu katika Shule ya Msingi Mpilipili iliyopo kata ya Nachingwea, ametembelea Chama kikuu cha Lindi Mwambao, Kufahamu shughuli za Ushirika na namna wanavyoshiriki katika mfumo wa stakabadhi ghalani, pamoja na Kukagua Mradi wa Maji Mchinga B.

Hata hivyo Mhe.Jafo amezungumza na Wananchi wa Kata ya Nachingwea na kufikisha salam za Rais wa Jamhuri ya Muungano wa Tanzania Mhe.Samia Suluhu Hassan kuwa anawapenda sana Wananchi wa Lindi na ndio maana Neema nyingi zinaendelea kumiminika katika sekta mbalimbali kama ; Afya, Elimu na Barabara.

Kwa upande Mwingine Mhe.Jafo ametoa pongezi Kwa Wananchi wa Lindi Kwa kushirikiana na Viongozi  wa Chama na  Serikali kwa  kuhakikisha kuwa  Miradi ya Maendeleo inatekelezwa ipasavyo.

Licha ya hayo Mhe.Jafo amewataka Wanalindi kumpa ushurikiano wa kutosha Mkuu wa Wilaya ya Lindi Mhe.Victoria Mwanziva kwani ni kiongozi Mahiri ambae atachagiza Maendeleo Kwa Wananchi.