WATUMISHI WANAO WAJIBU WA KUHAKIKISHA WANATUMIA VIZURI MASAA YA KAZI NA RASILIMALI MBALIMBALI KWA KUTEKELEZA MAJUKUMU YAO YA KAZI KWA UBUNIFU NA TIJA.

Imetumwa: May 1st, 2023

Hayo yamezungumzwa na mkuu wa wilaya ya Kilwa Mhe. Christopher Ngubiagai wakati akitoa hotuba yake Kwenye sherehe ya siku ya wafanyakazi, Mei mosi ambayo ki mkoa imefanyika wilayani kilwa.

Mhe. Ngubiagai alikuwa ndiye Mgeni rasmi Kwenye sherehe ya siku ya wafanyakazi (Mei Mosi) mkoani Lindi akimuwakilisha Mkuu wa mkoa wa Lindi Mhe.Zainab Telack.

Katika hatua nyingine Mhe. Ngubiagai kwenye hotuba yake akimuwakilisha mkuu wa mkoa wa Lindi alizungumzia suala la kukemea rushwa kwemye maeneo ya kazi kwa watumishi lakini pia kuepuka vitendo vya unyanyasaji mahali pa kazi.

Aidha Mhe.Ngubiagai amesisitiza waajiri wote wa mkoa wa Lindi kuhakikisha wana unda na kuendesha mabaraza ya wafanyakazi mahala pakazi kwa mujibu wa sheria ya ajira na mahusiano kazini sura namba 366 iliyo rejewa mwaka 2019 na majadiliano ya pamoja no 19 na sheria ya utumishi wa umma namba 8 ya mwaka 2002.

Sambamba na hilo, Mhe. Ngubiagai kwenye hotuba yake ambayo ikimuwakilisha mkuu wa mkoa wa Lindi Mhe. Zainab Telack alizungumzia suala la kuepuka tamaduni, mila na desturi ambazo tunaletewa katika mkoa wetu kutokana na uwepo wa matendo ambayo ni kinyume na maadili yetu.

Lakini pia Mhe. Ngubiagai aliwapoingeza wafanyakazi hodari kutumia fursa hiyo kuongeza bidii na juhudi ili waweze kuwa mfano bpra kwa watumishi wengine.Vile vile Mhe. Ngubiagai aliwapongeza watu wote waliofika katika viwanja hivyo vya Mkapa Garden kwa kushiriki katika maadhimisho hayo ya siku ya wafanyakazi. Katika sherehe hizo pia mgeni rasmi Mhe. Ngubiagai alitoa zawadi kwa watumishi hodari kutoka halmashauri zote za Mkoa wa Lindi,kama motisha na chachu ya kuendelea kufanya kazi kwa watumishi wengine.

Mwisho Mhe. Ngubiagai aliwatakia watumishi wote maadhimisho mema ya siku ya wafanyakazi, lakini pia aliwapongeza vyama vya wafanyakazi kwa mshikamano wao katika kuandaa sherehe hizo za siku ya wafanyakazi