WANAOFANYA VIZURI WAPEWE ZAWADI DC-NDEMANGA

Imetumwa: February 23rd, 2023

Baadhi ya waalimu wa shule za msingi na sekondari wakipokea zawadi kutoka kwa mkuu wa wilaya ya Lindi Mhe. Shaibu Ndemanga kwenye sherehe ya utoaji tuzo kwa waalimu na wanafunzi ambao wamefanya vizuri kwa mwaka 2022.

Sherehe hiyo ya utoaji wa tuzo hizo imefanyika katika ukumbi wa Kagwa ndani ya Manispaa ya Lindi siku ya Alhamisi tarehe 23, ambapo wageni mbalimbali walihudhuria sherehe hiyo akiwemo mstahiki meya wa Manispaa ya Lindi ndg. Frank Magali lakini pia mkurugenzi wa Halmashauri ya Manispaa ya Lindi ndg.Juma Mnwele,magavana,afisa elimu sekondari Ndg.Rehema Nahale,kaimu afisa elimu msingi Ndg. Selemani Mngeleka,maafisa tarafa,wakuu wa idara mbalimbali,wadhibiti ubora,CWT,waalimu wa shule za msingi na sekondari,wanafunzi,wadau mbalimbali pamoja na watendaji kata kutoka katika kata mbalimbali ndani ya Manispaa ya Lindi.Tuzo ambao zilitolewa kwenye sherehe hiyo ni kama vile kwa upande wa elimu ya msingi mkuu wa wilaya ametoa tuzo kwa mwalimu mkuu bora kwa shule za msingi kwa mwaka 2022 ambapo shule ya msingi Mchinga ilipata ushindi katika kipengele hicho ambapo Mwl,Daudi levile alipata tuzo hiyo.

Tuzo nyingine ambayo imetolewa kwa upande wa shule za msingi, ni shule bora za msingi ambazo ni shule ya msingi Msinjahili,stadium Joy,Hidaya,Great Mind pamoja na shule ya msingi Nanyanje,zilipata tuzo hiyo.Lakini pia tuzo hizo zilienda kwa shule bora kwa usimamizi wa wa miradi ya ujenzi kwa mwaka 2022 ambayo ni shule ya msingi Ruchemi.

Kwa upande wa idara ya elimu sekondari tuzo zilitolewa kwa shule bora matokeo ya mtihani wa kidato cha nne kwa mwaka 2022 ambapo tuzo ilikwenda kwa Shule ya sekondari Angaza,shule bora matokeo ya upimaji wa kidato cha pili 2022 ambapo tuzo ilikwenda katika shule ya sekondari Wama sharaf, shule bora iliyoondoa daraja la sifuri kwenye matokeo ya mtihani wa kidato cha nne kwa mwaka 2022 ambapo tuzo ilikwenda kwa shule ya sekondari Mipingo,lakini pia tuzo ilitolewa kwa shule iliyoondoa daraja sifuri kwenye matokeo ya mtihani wa upimaji wa kidato cha pili mwaka 2022 ambapo tuzo zilitolewa kwa shule ya sekondari Wama Sharaf pamoja na shule ya sekondari Mipingo.

Mwisho mkuu wa wilaya alisisitiza wakuu wa idara wakishirikiana na waalimu wa shule zote za msingi na sekondari ndani ya Manispaa ya Lindi kuhakikisha wanafunzi 118 kwa upande wa shule za msingi na sekondari ambao bado hawajaripoti shuleni wanaripoti shuleni  mpaka kufikia jumatatu ya tarehe 27 mwezi huu wa tatu lakini pia alizungumzia ufunguzi wa shule mpya ya sekondari Shaibu Ndemanga siku ya jumatatu ya tarehe 27 ambapo wanafunzi wataanza masomo yao.