WAATHIRIKA WA JANGA LA MOTO KITOMANGA WAPATA TUMAINI.

Imetumwa: November 4th, 2022

Halmashauri ya Manispaa ya Lindi imepokea vifaa na chakula kutoka kwa Msalaba Mwekundu kwa kushirikiana na Mbunge wa Jimbo la Mchinga Mhe.Salma Rashidi Kikwete leo tarehe 4/11/2022.

Mama Salma ameahidi kuendelea kutafuta wadau wengine ili kuendelea kutoa misaada kwa wahanga hao Katika kuhakikisha wananchi wa Jimbo lake wanaishi vizuri na kupata mahitaji yao yote muhimu.

Aidha,Mkuu wa Wilaya na Mkurugenzi wamewashukuru wote walioshiriki katika kuhakikisha misaada hiyo inapatikana katika kupunguza machungu ya waathirika hao.Mkuu wa Wilaya amewaomba kamati inayogawa vifaa hivyo na chakula kuangalia vigezo muhimu katika kugawa vifaa hivyo.

Vifaa vilivyotolewa ni pamoja na magodoro 200,blanketi 200,ndoo,madumu 200,vikombe,bakuli na majagi.Vyakula vilivyotolewa ni pamoja maharage,unga,mafuta,chumvi,sukari na majani ya chai n.k

Meneja wa kukabiliana na maafa Msalaba Mwekundu Bwana Samwel Katamba amesema kuwa wataendelea kupambana kuendelea kutoa misaada kwa kadri ya uwezo wao ambapo ameahidi kuleta maturubai(matenti)kwa ajili ya waathirika hao.