UFUGAJI WA JONGOO BAHARI UPELEKEE KUONGEZA PATO LA HALMASHAURI-SILINDE

Imetumwa: March 31st, 2023

Naibu waziri wa mifugo na uvuvi Mhe. David Ernest Silinde (Mb) amefunga mafunzo ya ufugaji wa jongoo bahari ambayo yalikuwa yanafanyika katika Manispaa ya Lindi ukumbi wa chuo kikuu huria  kwa muda wa siku kwa muda wa siku 11 kuanzia tarehe 21 mpaka tarehe 30 mwezi huu.

Magunzo hayo yalikuwa yana husisha halmashauri tatu katika mkoa wa Lindi ikiwemo Halmashauri ya Mtama,kilwa na Manispaa ya Lindi.

Kwenye maelezo yake Mhe. Silinde alimpongeza Rais wa jamhuri ya muungano wa Tanzania Dkt. Samia Suluhu Hassan kwa jitihada kubwa anazo zifanya katika kuleta maendeleo ya wa Tanzania kwa kuimarisha maisha ya wa Tanzania na kuyaboresha hususani ni wanawake.Lakini pia Mh.Silinde aliwapongeza washiriki wa mafunzo hayo wapatao 68 kwa kushiriki katika mafunzo hayo muhimu ya ufugaji wa jongoo bahari ambayo yanakwenda kufungua fursa za kiuchumi kwa mtu mmoja mmoja katika taifa letu.

Vile vile Mhe.Silinde aliwasihi washiriki wa mafunzo hayo kuendelea kutumia ujuzi ambao wameupata kwenye mafunzo hayo katika kujipatia maendeleo yao binafsi pamoja na taifa kwa ujumla.

Katika hatua nyingine Mhe.Silinde alielezea faida za ufugaji wa jongoo bahari katika kukuza kipato,upatikanaji wa chakula ,pamoja na ajira.Lakini pia jongoo bahari ni muhimu sana kwasababu hutumika katika kutengeneza lishe lakini pia katika kutengenezea dawa na vipodozi.

Ikumbukwe kuwa soko kuu la jongoo bahari ni china,thailand,korea kusini na marekani,ambapo kilo moja ya jongoo bahari wa daraja (A)ni Tsh 180,000 kwa kilo moja.Vile vile ufugaji wa jongoo bahari ni muhimu kwa utunzaji wa mazingira kwasababu jongoo bahari anasofa ya kusafisha bahari na kupunguza uchafuzi wa mazingira.

Katika hatua nyingine alisisitiza halmashauri zote ambazo zipo katika ukanda wa pwani kutoa vipaumbele kwa vijana wote ambao wamepata mafunzo ya FETA kuwapatia mikopo ili waweze kuanzisha vizimba vya ufugaji jongoo bahari 

Mwisho Mhe.Silinde alisisitiza washiriki kutumia wadau wa FETA katika kupata ujuzi na ushauri wa kitaalamu kuhusiana na kujihusisha na mazao ya bahari ikiwemo ufugaji wa jongoo bahari,mwani,kambakochi pamoja na kaa. Sambamba na hilo Mhe.Silinde alitoa vyeti kwa washiriki wote 68 kwa kushiriki katika mafunzo hayo muhimu kwa maendeleo ya taifa letu.