TUZO NI MOTISHA NA KICHOCHEO KATIKA KUCHAGIZA UFANISI NA UTENDAJI KAZI KWENYE KUTOA MATOKEO CHANYA(RC-TELACK).

Imetumwa: April 9th, 2023

Mkuu wa mkoa wa Lindi Mhe.Zainab Telack amewapongeza na kuwashukuru wadau mbalimbali wa elimu wakiwemo waalimu, wanafunzi pamoja na wazazi katika kuhakikisha watoto wanahudhuria  darasani na kupata elimu.

Pongezi hizo alizitoa siku ya jumamosi Aprili, 8 katika viwanja vya ilulu, Manispaa ya Lindi kwenye sherehe za uzinduzi wa mpango mkakati wa elimu mkoa wa Lindi kwa mwaka 2023, lakini pia utoaji tuzo kwa walimu,wanafunzi ,shule , kata na Halmashauri  pamoja na wadau mbao wamewezesha mkoa wetu kufanya vizuri kwenye mitihani wa upimaji ya kitaifa kwa mwaka2022.

Sambamba na hilo alipongeza walimu ambao waliandaa mabanda ya maonyesho kwaaijili ya mgeni rasmi na wageni waalikwa , lakini pia alipongeza waalimu wote wa shule za msingi na sekondari mkoa wa Lindi kwa kuongeza ufaulu katika shule zao na kupunguza idadi ya daraja la sifuri

Katika hatua nyingine mgeni rasmi alisisitiza waalimu kutoonyesha mitihani lakini pia waalimu wasimamie ufundishaji na ujifunzaji darasani kwa wanafunzi ili  kuwajenga wanafunzi waweze kuwa bora katika elimu zao.

vilevile mgeni rasmi alisisitiza ufanywaji wa mitihani ya ndani inayo ratibiwa na wilaya na mkoa ifanyike kwa wakati bila kuhairishwa wala kucheleshwa lakini pia  usahihisaji ufanyike kwa muda uliopangwa ili tuweze kupata matokeo na kufanya tathmini kwa maswali ambayo wanafunzi wameyakosea.Lakini pia mgeni rasmi alisisitiza walimu kuangalia nazaria mbalimbali za ufundishaji na kuwasaidia wanafunzi wote katika yale masomo ambayo yanawasumbua., kwa kuunda vikundi vya kujifunza ili waweze kujua masomo ambayo yanawasumbua.

Lakini pia Mhe. Mkuu wa mkoa bi Zainab Telack aliendelea kwa kusisitiza mambo mbalimbali kwa wageni waalikwa ikiwemo utoaji wa chakula mashuleni ili kuongeza umakini kwa mwanafunzi katika kupata maalifa, kupitia suala hili alitoa wito kwa waalimu kutoa elimu kwa wazazi kuhusiana na suala la utoaji wa chakula mashuleni,vilevile alitoa agizo kwa waalimu wa shule zote kuhakikisha wanaanzisha mashamba katika shule zao ili wanafunzi waweze kuzalisha chakula katika shule zao. Jambo lingine ambalo mkuu wa mkoa wa Lindi  Bi Zainab Telack alisisitiza lilikuwa ni kufanya ufuatiliaji na ufundishaji mashuleni , lakini pia alisisitiza kuimarisha mawasiliano ya mara kwa mara baina ya walimu,viongozi wa dini, na wazazi.Pia alisisitiza suala la kusimamia nidhamu ya wanafunzi wakiwa mashuleni.vilevile alisisitiza suala la kufanya  msawazo kwa walimu.Hatimae mkuu wa mkoa wa Lindi alitoa agizo kwa wakurugenzi na wakuu wa wilaya kwenye Halmashauri zote kuhakikisha walimu wanapata huduma za haraka pindi wanapofika ofisi za Halmashauri  ili waweze kupata muda wa kurudi shuleni na kama ikitokea changamoto yoyote basi mwalimu apangiwe tarehe ya kurudi tena na kupata ufumbuzi wa changamoto yake.Suala la usimamizi wa miradi ya ujenzi pia alizungumzia kwa kuhakikisha , miradi hiyo inaweza kukamilika kwa wakati kwani Rais wetu wa jamhuri ya muungano wa Tanzania anafanya juhudi kubwa sana kaika kuhakikisha miradi hii inakamilika kwa wakati kwa kutoa fedha za ujenzi wa miradi hii, miradi hiyo ni kama vile miradi ya elimu,afya,maji na barabara.

  Mwisho mgeni rasmi katika sherehe hiyo Mhe, mkuu wa mkoa wa Lindi Bi Zainabu Telack alitoa zawadi kwa washindi mbalimbali kutoka katika wilaya zote za Mkoa wa Lindi.Sambamba na utoaji wa tuzo alizindua mpango  mkakati wa elimu mkoa wa Lindi kwa mwaka 2023.