TAARIFA YA UFUNGAJI HESABU ZA HALMASHAURI YA MANISPAA YA LINDI KWA MWAKA WA FEDHA ULIOISHIA 30 JUNI, 2021.

Imetumwa: September 29th, 2021

Taarifa za hesabu za mwisho za Halmashauri ya Manispaa ya Lindi kwa mwaka wa fedha 2020/2021 zimeandaliwa kwa mujibu wa Kanuni za uendeshaji wa Halmashauri kabla ya Hesabu hizi kuwasilishwa kwa Mdhibiti na Mkaguzi Mkuu wa hesabu za Serikali (CAG) na zimeshawasilishwa na kujadiliwa  kwenye Kamati ya Timu ya Wataalamu (CMT),kikao cha Kamati ya ukaguzi (AC), Kikao cha Kamati ya Fedha na Mipango   na sasa  kwenye kikao cha Baraza Maalumu kwa ajili ya kupata idhini baada ya kujiridhisha na taarifa mbalimbali zilizomo katika Hesabu hizi.

Taarifa za hesabu za mwisho wa mwaka  za Halmashauri ya Manispaa ya Lindi kwa mwaka wa fedha ulioshia tarehe 30 Juni 2021 pia  zinajumuisha   hesabu za Kata,Mitaa,Vijiji,Zahanati,Vituo vya Afya,Shule za Msingi na Sekondari na zimeandaliwa na kuwasilishwa kwa kuzingatia matakwa ya Viwango vya Kimataifa vya Uhasibu  katika Sekta ya Umma (IPSAS Accrual basis of Accounting).

 Taarifa kuu nne zinazojumuishwa kwenye taarifa za hesabu za mwisho wa mwaka  ambazo kisheria na kikanuni zinatakiwa ziidhinishwe kabla ya kukaguliwa na CAG  ni hizi zifuatazo:-

• Mizania (Statement of Financial Position).
• Taarifa ya mapato na matumizi (Statement of Financial Performance).
• Taarifa ya mtiririko wa fedha Taslimu (Cash Flow Statement).
• Taarifa ya Mabadiliko ya Mtaji (Statement of Changes in Net Asset)

MIZANIA (Statement of Financial Position)

Mizania ni taarifa inayoonesha mali zinazomilikiwa na Halmashauri pamoja na madeni inayodaiwa hadi kufikia tarehe 30 Juni 2021, taarifa hii inaonesha kuwa Halmashauri hadi kufikia tarehe 30 Juni 2021 ilikuwa na mali zenye thamani ya TZS. Bilioni 42.240 ambapo mali za kudumu ni TZS. Bilioni TZS. 40.878 na za muda mfupi   ni TZS. Bilioni 1.363.

Vilevile Mizania inaonesha kuwepo kwa madeni yenye jumla ya TZS. Billioni 3.781 ambapo madeni ya muda mrefu ni TZS. Milioni 5.242   na madeni ya muda mfupi ni TZS. Bilioni 3.776

TAARIFA YA MAPATO NA MATUMIZI (Statement of Financial Performance).

• Taarifa hii inaonyesha jumla ya mapato na matumizi yote ya Halmashauri kwa mwaka wa fedha ulioishia tarehe 30 Juni 2021 ambapo Halmashauri ilipokea na kukusanya jumla ya TZS.Bilioni 16.087 kutoka katika vyanzo mbalimbali, mapato yameongezeka kwa TZS. Bilioni 2.054 ukilinganisha na mwaka wa fedha ulioishia 30 Juni 2020 ambapo mapato ya Halmashauri yalikua ni TZS. Bilioni 14.032.
• Kwa upande wa matumizi Halmashauri ilitumia jumla ya TZS. Bilioni 14.432 hadi kufikia tarehe 30 Juni 2021 ambapo matumizi yameongezeka kwa TZS. Milioni 460.223 ukilinganisha na mwaka wa fedha ulioishia tarehe 30 Juni 2020 ambapo matumizi ya Halmashauri yalikua TZS Bilioni 13.971.

TAARIFA YA MTIRIRIKO WA FEDHA TASLIMU (Cash Flow Statement)

Taarifa hii huonyesha mwenendo wa mapokezi ya fedha taslimu kwa mwaka mzima kutoka katika vyanzo mbalimbali vya Halmashauri (OSR) pamoja na ruzuku kutoka serikali kuu na matumizi yake kwa mwaka wa fedha husika. Kwa mwaka wa Fedha unaoishia 30 Juni 2021 Halmashauri ilipokea na kukusanya pesa taslimu kiasi cha TZS. Bilioni 14.374 kutoka vyanzo vya ndani pamoja na ruzuku na kutumia kiasi cha TZS. Bilioni 12.620 kwenye matumizi mishahara na shughuli za kawaida,kiasi cha fedha TZS. Bilioni 3.024 zilitumika katika shughuli za uwekezaji na kiasi cha TZS. 75.662 Kilitumika katika shughuli za kifedha (Mikopo ya Wanawake Vijana na Watu wenye Ulemavu). Hadi kufikia tarehe 30 Juni Mwishoni Halmashauri ilibakiwa na jumla ya fedha taslimu TZS. Milioni 247.994 kwenye akaunti mbalimbali (Kata,Vijiji,Mitaa,Shule za Sekondari na Msingi,Zahanati Vituo vya Afya na Ofisi kuu)

Taarifa ya Mabadiliko ya Mtaji (Statement of Changes in Net Asset)

Taarifa hii inaonesha mabadiliko ya mtaji ambapo mabadiliko haya yanatokana na ziada au pungufu ya taarifa ya mapato na matumizi (Surplus/Deficit) kwa mwaka wa fedha husika. Kwa mwaka wa fedha unaoishia 30 Juni 2021, Mtaji wa Halmashauri ya Manispaa ya Lindi ulibadilika kutokana na miamala ifuatayo:

• Ziada ya inayotoka kwenye taarifa ya mapato na matumizi ya mwaka unaoishia 30 Juni 2021 Kiasi cha TZS. Bilioni 1.655 ambayo ilipelekea kuongeza mtaji wa Halmashauri (Net Assets).
•  Kuongezwa kwa Jimbo la Mchinga kwenye Halmashauri ya Manispaa ya Lindi kumepelekea mtaji kuongezeka. Hii inatokana na mali za kudumu zenye thamani ya kiasi cha TZS. Bilioni 7.032, Ardhi TZS. Milioni 57.8 pamoja madeni ya vikundi vya Wanawake, Vijana na Watu wenye Ulemavu kiasi cha TZS. Milioni 12.558.
• Fedha zilizobaki kwenye Akaunti ya Wanawake Vijana na Watu wenye ulemavu kiasi cha TZS. Milioni 28.771 ambazo hazikujuishwa kwenye hesabu za mwaka wa fedha ulioshia 30 Juni 2020.
• Malipo ya awali kiasi cha TZS. Milioni 751.563 ambayo hayakujumuishwa kwenye hesabu za mwaka mwaka wa Fedha ulioshia 30 Juni 2020
• Miamala yote hii imepekelea mtaji wa Halmashauri kufikia kiasi cha TZS. Bilioni 38.429 kwa mwaka wa fedha unaoishia 30 Juni 2021