SIKU YA WANAWAKE DUNIANI NI SIKU YA KUJIKUMBUSHA WAJIBU PAMOJA NA MAJUKUMU YETU . RC-TELACK

Imetumwa: March 8th, 2023

Tarehe 8 Machi kila mwaka tuna sherehekea siku ya wanawake duniani ambapo kwa mkoa wa Lindi kama ilivyokuwa kwa mikoa mingine pia tulitumia siku hii katika kujikumbusha harakati pamoja na juhudi  zinazofanywa na mwanamke katika kuleta maendeleo ya jamii na taifa kwa ujumla.

Katika maadhimisho ya siku ya wanawake kwa mkoa wa Lindi mwaka huu, 2023 yalipata kufanyika kaika wilaya ya Nachimgwea na mgeni rasmi katika maadhimisho hayo alikuwa ni Mhe. Zainab Telack,mkuu wa mkoa wa Lindi.

Mengi yalizungumzwa katika maadhimisho hayo ikiwemo mambo mbalimbali ya kimaendeleo kuhusiana na wanawake,lakini pia kwenye maadhimisho hayo burudani pia kutoka katika vikundi mbalimbali zilikuwepo.Ikiwemo taasisi pamoja na idara mbalimbali kama vile jeshi la polisi,TANESCO,Afya,kilimo.

Awali akiongea na wananchi wa Nachingwea mbunge wa jimbo la Nachingwea Dkt. Amandus Chinguile alisema mpongeza  Dkt Samia Suluhu Hassan kwa maendeleo anayo yafanya kwaajili ya nchi yetu,lakini pia alitumia nafasi hiyo kumpongeza mkuu wa mkoa wa Lindi Mhe. Zainab Telack kwa jitihada zake kubwa anazo zifanya kwaajili ya maendeleo ya mkoa wetu.

Katika hatua nyingine mbunge wa viti maalum mkoa wa Lindi Mhe Tecla Ungele,alipata nafasi ya kuongea na wanawake wa Nachingwea  kwa kumuombea kura Mhe. Dkt Samia Suluhu Hassani kwaajili ya uchaguzi ujao wa mwaka 2025.lakini pia alizungumzia suala la ukatili wa kijinsia kwa wanawake na kukemea kitendo hicho.

Sambamba na hilo mbunge wa jimbo la Mchinga Mhe Salma Kikwete, alipata nafasi ya kuongea na wanawake waliohudhuria katika maadhimisho hayo ya siku ya wanawake duniani,kwa kumpongeza Rais wa jamhuri waJmhuri ya muungano wa Tanzania Dkt .Samia Suluhu Hassan kwa jitihada kubwa anazo zionyesha katika kuleta maendeleo ya nchi yetu,katika sekta mbalimbali ikiwemo elimu ,afyapamoja na miundombinu

Kwenye maadhimisho hayo pia shughuli mbalimbali za kijasiliamali ambazo zinafanywa na wanawake zilikuwepo,wanawake walipata kuonyesha shughuli zao mbalimbali kwenye mabanda yao.Wanawake wa Manispaa ya Lindi pia walikuwa na banda lao  katika maonyesho hayo,banda ambalo lilikuwa limesheheni bidhaa mbalimbali za kijasiliamali kama vile batiki,mikoba,vitafunwa pamoja na pilipili.Banda hilo la wanawake wa Manispaa ya Lindi ni miongoni mwa banda ambalo lilipata kutembelewa na mgeni rasmi Mhe Zainab Telack.

Wakisoma risala yao wanawake wa mkoa wa Lindi walielezea jinsi mkoa wa Lindi ulivyo shikwa hatamu na wanawake akiwemo mkuu wa mkoa pamoja na wabunge.kwenye risala hiyo pia wanawake walishukuru kwa kuwezeshwa kupata elimu za uzalishaji, ujasiliamali pamoja na biashara kupitia idara ya maendeleo ya jamii pamoja na vikoba.Wanawake pia wameweza kutatua migogogro ya kifamilia.Pia alielezea changamoto ambazo wanawake wanakumbana nazo kama wanawake ikiwemo baadhi ya wanaume kutotambua usawa wa kijinsia hivyo kupeleka ugumu katika kuleta maendeleo,vilevile kunyanyapaliwa kwenye baadhi ya shughuli ikiwemo udereva.  

Mwisho, mkuu wa Mkoa wa Lindi Mhe. Zainab Telack alipata nafasi ya kuhutubia wananchi ambao walihudhuria katika maadhimisho hayo ya siku ya wanawake kwa kuwasisitiza wanawake kuwa siku hiyo ni siku ya kujikumbusha,majukumu na wajibu wa mwanamke,Telack pia aliwaomba wanawake kujiunga katika vikundi ili waweze kufanya shughuli mbalimbali za biashara na ujasiliamali kutokana na kuwepo kwa fedha katika halmashauri kwaajili ya maendeleo ya wanawake na walemavu.Telack pia aliwaomba wazazi wasomeshe watoto wao kwaajili ya maendeleo ya nchi yetu,kwasababu Dkt. Samia Suluhu Hassan ametoa fedha kwaajili ya ujenzi wa shule za msingi na sekondari ili watoto wapate elimu bora.Telack pia aliwaomba wanawake waweze kuwatunza wanaume  pamoja na watoto wao.Pia aliwaomba waalimu kuwaangalia wanafunzi wakati wakiwa mashuleni,Hatimae , Mhe.Telack aliwaomba wananchi pamoja na viongozi wa dini kufanya maombi ya kuomba mvua kulingana na kuongezeka kwa jua mkoani kwetu