MHE. NDEMANGA AFUNGUA MADARASA SHULE YA SEKONDARI MILOLA

Imetumwa: December 21st, 2022

Mkuu wa wilaya ya Lindi Mhe. Shaibu Ndemanga,amefanya ufunguzi wa madarasa matatu ya kidato cha kwanza yatakayo anza kutumika mapema mwakani 2023.

Mradi huo wa madarasa matatu ambayo una thamani ya Shilingi milioni 60, ni moja ya jitihada zinazofanywa na rais wetu Dkt Samia Suluhu Hassan kuhakikisha Watoto wanapata elimu bora. Akielezea taarifa fupi ya shule ya sekondari Milola, mkuu wa shule hiyo alisema shule ya sekondari Milola ilianzishwa mwaka 2004 ikiwa na idadi ndogo ya wanafunzi na miundombinu yake. Kwasas shule hiyo ina jumla ya wanafunzi 378 kati ya hao Wavulana ni 167 na wasichana ni 211 lakini kwa mwaka 2023 shule hiyo inatarajia kuwa na wanafunzi 598 ambapo Wavulana ni 258 na Wasichana ni 340, aidha mwalimu mkuu alisema shule hiyo ina jumla ya walimu 10  na mmoja wa kujitolea kwa ufadhili wa Tanzania Partnership Program (TPP),kati ya walimu hao Wanaume ni 8 na wanawake 2 pamoja na huyo anayejitolea kwa ufadhili nae ni Mwanaume. Aidha mwalimu mkuu wa shule hiyo  amesema shule ya sekondari Milola ina jumla ya vyumba 14 vya madarasa Pamoja na hivyo vipya, ofisi mbili  za walimu na maabara 3,pia ina vyoo 10 vya wanafunzi Wavulana vyoo 5 na Wasichana 5.

Mwalimu mkuu alisema mnamo tarehe 1/10/2022 walipokea kiasi cha fedha cha ujenzi wa madarasa matau kiasi cha shilingi milioni 60 kupitia akaunti ya shule. Baada ya hapo  walianza kuhitisha vikao vya kutambulisha mradi ngazi ya kata na uteuzi wa fundi.

Aidha mwalimu mkuu alisema ujenzi rasmi wa shule hiyo  ulianza rasmi tarehe 28/ 10/2022 kwa kasi kubwa.Vile vile  mkuu wa shule a;lisema usimamizi wa ujenzi huo ulisimamiwa na walimu wote licha ya kuwa na kamati tatu kama vile kamati ya Ujenzi, kamati ya Manunuzi na kamati ya Mapokezi.Pia walikua Pamoja wakati wote na wajumbe wa bodi ya shule na viongozi wa ngazi ya kata.Hata hivyo viongozi wa ngazi ya Manispaa pia walihakikisha mradi huo una kamiloika vizuri.

Mkuu wa shule alisema ujenzi huo wa madarasa matatu umekamilika tangia 2/12/2022.Mfumo wa umeme, viti 150 na meza 150 pamoja na sakafu iliyo wekwa  malumalu.Mwalimu mkuu alisema vipo vifaa vya ujenzi ambavyo vimebakia ambavyo ni Saruji mifuko 46, bati 1, tofali 400 pamoja na malumalu boksi 4. Ambapo mwalimu mkuu alitumia nafasi hiyo kumuomba mkuu wa wilaya kuruhusu vifaa hivyo vilivyo bakia kutumika katika kukarabati ofisi na madarasa lakini pia  baadhi ya sehemu katika majengo hayo ya shule ikiwemo ofisi ya waalimu Pamoja na vyoo.

Pia mkuu wa shule alielezea changamoto ambazo walikutana nazo wakati wa kipindi cha ujenzi wa madarasa hayo,ikiwemo uhaba wa maji,lakini pia pamoja na elimu kwa jamii kuhusiana na suala la  kujitolea.

Katika hatua nyingine mkurugenzi wa Halmashuri ya Manispaa ya lindi Ndg, Juma Mnwele aliongezea kwa kutaja maeneo mengine ndani ya Manispaa ya Lindi ambayo yanaendelea na mradi huu ujenzi wa madarasa Kumi yenye thamani ya shilingi milioni 400,ambayo ilipatikana tarehe 1/10 mwaka huu,pia alitaja maeneo mengine ambayo mradi huo unatekelezwa ambayo ni Shule ya sekondari Kitomanga darasa 1 ,Shule ya sekondari Mipingo darasa 1 ,Shule ya sekondari Mvuleni, darasa 1,Shule ya  sekondari Angaza Lindi mjini madarasa 2,Shule ya sekondari Mingoyo madarasa 4 , Madarasa 2 shule ya sekondari Ng’apa lakini pia  madarasa 3 shule ya sekondari Milola, lakini pia madarasa 3 shule ya sekondari Nangalu, Pamoja na madarasa 3 Shule ya sekondari Milola.

Sambamba na hilo Mkuu wa wilaya ya Lindi Mhe.Shaibu Ndemanga alipata nafasi ya kuzungumza na wananchi waliohudhuria katika kikao hicho cha ufunguzi wa madarasa 3 katika shule hiyo,Ndemanga alichukua nafasi hiyo kumshukuru Rais wa jamuhuri ya Muungano wa Tanzania Dkt. Samia Suluhu Hassan kwa kutupatia kiasi cha fedha cha shilingi milioni 400 kwaajili ya ujenzi wa madarasa katika Manispaa ya Lindi.

Lakini pia Ndemanga aliwaomba viongozi wa Kijiji hicho cha Milola kuhakikisha wanafuatilia kwa kalibu wanafunzi ambao wamechaguliwa kujiunga na kidato cha kwanza 2023,kuhakikisha wanafika mashuleni na kuanza masomo yao ifikapo Januari 9.Kwa kufanya hivyo itasaidia kukamilisha mradi huo, kwasababu lengo la kufanya ujenzi wa madarasa hayo ni kuhakikisha wanafunzi wanapata elimu bora.

Mwisho mgeni rasmi na wageni waalikwa walienda kutembelea moja ya mradiambao unafanyika katika shule hiyo ambao ni mradi wa  wa ufugaji wa kuku wa nyama na kuku wa mayai, mradi huo una simamiwa na Tanzania Partneship Program (TPP) ,mradi ambao wanafunzi wa shule hiyo  huwasaidia kupata ujuzi wa Maisha na kuwasaidia katika kujiari baada ya kuhitimu masomo yao ya sekondari.