MKUU WA MKOA WA MTWARA ASISITIZA WAKULIMA UPANDAJI WA MIKOROSHO NA KUFUATA MAELEKEZO YA WATAALAMU.

Imetumwa: August 8th, 2023

Mkuu wa mkoa wa Mtwara Mhe. Kanali Ahmed Abbas, Agosti 8, 2023 amezungumza na wananchi wa Kanda ya kusini katika kilele cha maonesho ya Nane nane na kuwasihi wakulima kuendelea kuongeza juhudi za kupanda mikorosho mipya na bora na kuhudumia mashamba kwa kufata maelekezo ya wataalamu. 

Aidha, Amewasihi na kuwaomba wafanya biashara na wasafirishaji kwa msimu huu kutumia Bandari ya Mtwara katika usafirishaji wa korosho na bidhaa nyingine. Alikadharika kwa upande wa Ufugaji na Uvuvi ameishukuru serikali kwa kutenga na kutoa fedha kwa ajili ya ujenzi wa kituo cha kuzalisha vifaranga kinachojengwa kwenye Halmashauri ya Mtwara. Vile vile ujenzi wa wa Bandari ya uvuvi inayojengwa kwenye Halmashauri ya kilwa, pia amesema wanatarajia kupokea Boti zaidi ya 49 za uvuvi wa kina kirefu, Ambapo mkoa wa Mtwara watakua wanufaika wa Boti 18 na mkoa wa Lindi boti 31.

Pia, Mhe. Abbas, Ametumia nafasi hiyo kumpongeza Mhe. Rais Samia Suluhu Hassan kwa utoaji wa pembejeo bure kwa wakulima wa korosho wa mkoa wa Lindi na Mtwara. Lakini pia amewashukuru Wananchi wote na taasisi mbalimbali zilizoshiriki katika uandaaji maonesho hayo. 

Katika hatua nyingine, Mkuu wa mkoa wa Lindi Mhe. Zainabu Telack alitumia nafasi hiyo kuwakaribisaha Wananchi wa kanda ya kusini kwenye maonyesho ya madini, uwekezaji na biashara yatakayofanyika wilayani Ruangwa kuanzia tarehe 21 mpaka tarehe 26 Agosti, 2023.