MKUU WA MKOA WA MPYA MHESHIMIWA ZAINAB TELACK AAHIDI KULETA MAENDELEO MKOANI LINDI.

Imetumwa: June 16th, 2021

Ameyaongea hayo leo tarehe 16 june 2021 akiwa kwenye kikao cha baraza la madiwani kujadili taarifa ya mdhibiti na mkuu wa hesabu za serikali (CAG) 2019/2020 kilichofanyika kwenye ukumbi wa mikutano wa ofisi ya Mkuu wa Mkoa,kikao hicho kilihudhuriwa na viongozi mbalimbali akiwemo mkuu wa wilaya Ndugu Shaibu Ndemanga,Mstahiki Meya wa Manispaa Frank Magali,Mkurugenzi wa Manispaa Ndugu Jomaary Satura na Katibu Tawala wa Mkoa Ndugu Rehema Madenge.Mkuu wa mkoa Mheshimiwa Zainab Rajab Telack ameahidi uwepo wa taa za barabarani ili kuwezesha wananchi kufanya biashara usiku kwa madhumuni Ya kukuza uchumi wa Mkoa ,taifa na wananchi.Lakini pia ameomba viongozi kushirikiana na wananchi ili kufikia lengo la kuleta maendeleo na amesisitiza wananchi kujitolea katika kufanya kazi za maendeleo katika kata zao kama ujenzi wa maboma ya shule.

 Mkuu wa Wilaya amewaomba wananchi na watumishi kuvitangaza na kununua viwanja vilivyopo Ngongo na Kikwetu kwani bei ni nafuu ili kuwezesha kukua kwa mji na kuongeza mapato.Pia ameahidi ukamilishwaji wa barabara zinazotakiwa kumwagwa lami kabla yam waka mpya wa fedha 2020/2021 kuisha.

Katibu Tawala wa Mkoa wa Lindi Ndugu Rehema Madenge amewataka watumishi kufanya maoteo ya wanafunzi watakaojiunga darasa la kwanza na kidato cha kwanza ili kuwezesha kujindaa vyema kwa kupunguza tatizo la upungufu wa madarasa.

Baada ya baraza Mkuu wa Mkoa alipata wasaa wa kuongea na watumishi na wanachi ili kusikiliza changamoto zinazowakabili wananchi ili kuzitafutia ufumbuzi.