MKURUGENZI WA HALMASHAURI YA MANISPAA YA LINDI KUANZISHA KLINIKI YA ARDHI

Imetumwa: January 13th, 2023

Mkurugenzi wa Halmashauri ya Manispaa ya Lindi Ndg Juma Mnwele, ameanzisha Kliniki ya Ardhi ambayo itasikiliza na kutatua migogoro mbalimbali ya ardhi kwa wananchi wa Manispaa ya Lindi.

Kliniki hii itakua inafanyika  mara mbili kwa mwezi kwa siku ya alhamisi.Aidha leo tarehe 13/1/2023 kliniki hiyo imefanyika katika ukumbi wa Halmashauri ambapo mashauri saba (7) yamesikilizwa na wananchi 27 kutoka maeneo mbalimbali ndani ya Manispaa ya Lindi wamepata fursa ya kuhudhuria kliniki hiyo na kupata utatuzi juu ya migogoro mbalimbali ya ardhi.

Kupitia kliniki hii itapelekea kutatua migogoro mingi ya ardhi kwa wananchi lakini pia kuwasaidia wananchi ambao walikuwa wanakosa sehemu ya kutatulia migogoro yao

Pichani ni viongozi waliosimamia Kliniki hiyo katika ukumbi wa Halmashauri.

Baadhi ya wananchi kutoka katika maeneo mbalimbali ndani ya Halmashauri nya Manispaa ya Lindi,ambao wamehudhuria kliniki hiyo.