MKURUGENZI MTENDAJI HALMASHAURI YA WILAYA YA MTAMA AFUNGUA MWAKA 2023 KWA KISHINDO

Imetumwa: January 14th, 2023

Mkurugenzi mtendaji wa Halmashauri ya wilaya ya  Mtama, Ndg George Mbilinyi, amefanya Bonanza kubwa kwaajili ya kuuaga mwaka 2022 na kuukaribisha mwaka 2023. Bonanza hilo limefanyika siku ya tarehe 14/1/2023 katika viwanja vya shule ya sekondari Nyangao.Ambapo limehusisha watumishi kutoka Halmashauri ya Manispaa ya Lindi na Halmashauri ya Mtama.

Kwenye Bonanza hilo michezo mbalimbali ilifanyika ambapo watumishi kutoka katika Halmashauri hizi mbili, Halmashauri ya Manispaa ya Lindi na Halmashauri ya Mtama walishiriki kwa pamoja.

Miongoni mwa michezo ambayo ilifanyika katika Bonanza hilo ni kama vile, mpira wa miguu kwa wanaume ambapo timu ya vijana na timu ya maveterani kutoka katika Halmashauri zote zilishiriki kwa pamoja katika mchezo huo. Michezo mingine ni kama vile, rede na netball kwa wanawake, bao na drafti kwa wanaume na wanawake,pamoja na kukimbia kwa magunia kwa upande wa wanawake na wanaume.

Washindi mbalimbali walipatikana katika Bonanza hilo,matokeo yalikuwa kama ifuatavyo, kwa upande wa mpira wa miguu matokeo yalikuwa 5 kwa 3 ambapo timu ya Halmashauri ya Mtama ilijipatia ushindi, kwa upande wa rede matokeo yalikua 2 kwa 1 ambapo timu ya Mtama ilijipatia ushindi, kwa upande wa netball yalikuwa 12 kwa 10 ambapo timu ya Mtama ilijipatia ushindi, kwa upande wa kukimbia na magunia mshindi wa kwanza alitokea Halmashauri ya Manispaa ya Lindi, mshindi wa pili alitokea Halmashauri ya Mtama na mshindi wa tatu alitokea Halmashauri ya Mtama.Kwa upande wa drafti kwa wanaume mshindi alitokea Halmashauri ya Mtama na kwa upande wa wanawake mshindi alitokea Halmashauri ya Manispaa ya Lindi.Kwa upande wa mchezo wa bao mshindi alitokea Halmashauri ya Mtama.

Baadaya ya Bonanza hilo watumishi walipata nafasi ya kula chakula cha mchana kabla hawajarudi tena jioni kwaajili ya ya sherehe ya kuukaribisha mwaka 2023.

Mkurugenzi wa Halmashauri ya Mtama kwenye mazungumzo yake kabla hajamkaribisha mkuu wa wilaya kwaajili ya kutoa neno lake alisisitiza watumishi ambao wame hudhuria katika Bonanza hilo  kwamba siku hiyo ya Bonanza ni siku muhimu kwa watumishi wote hivyo wanaweza kula na kunywa pamoja na kufurahi.

Sambamba na hilo Mkuu wa wilaya ya Lindi Mhe. Shaibu ndemanga aliwapongeza watumishi wote kwa kuhudhuria katika sherehe hiyo ya kuuaga mwaka 2022 kwasababu muitikio ulikuwa ni mkubwa na watumishi wengi walijitokeza,lakini pia alisisitiza watumishi wote wafanye kazi kwa bidii ili tuweze kuleta maendeleo katika Halmashauri yetu na nchi kwa ujumla.

Mwisho mgeni rasmi katika shughuli hiyo ambae ni kaimu mkuu wa mkoa wa Lindi Kanali Ahmedi Abas Ahmed,alitoa neno lake kwa wageni waalikwa ambao walihudhuria katika Bonanza hilo, kwa kusema ni muhimu kwa watumishi kufanya kazi kwa malengo,kwasababu kama watafanya kazi kwa malengo ni rahisi kupata maendeleo katika nchi yetu.