MKURUGENZI AFANYA ZIARA KATA YA MBANJA.

Imetumwa: October 11th, 2021

Mkurugenzi wa Manispaa ya Lindi ndugu Juma Mnwele afanya ziara kata ya Mbanja,mtaa wa Kikwetu shule ya msingi Kikwetu.Madhumuni ya ziara hiyo ni kupita kusikiliza kero za wananchi na kuzitafutia ufumbuzi kwani ujio wake umembatana na timu ya wataalamu kutoka Manispaa ili kuweza kupatia ufumbuzi wa kero hizo kwa wakati kulingana na idara husika.Wataalamu walioweza kushiriki ni pamoja na idara ya ardhi,mazingira,elimu,TASAF,mhandisi,Afisa biashara,Afisa utumishi,mwanasheria na afisa habari.

Awali ya yote Bw.Mnwele ameweza kujitambulisha kwani ni ziara yake ya kwanza kwenye kata hiyo,Ametoa pongezi za dhati kwa kata ya Mbanja kwani wanaonyesha juhudi kwenye kushiriki vema kwenye miradi ya maendeleo ikiwemo ujenzi wa shule shikizi.

Kupitia ziara hiyo Mkurugenzi ameweza kutoa suluhu kwa kero mbalimbali zilizotolewa na wananchi hao.Moja ya kero iliyowagusa wengi ni umbali mrefu kwa wanafunzi wa shule ya msingi kiasi wanatumia umbali wa Km 10 kufata shule,Kupitia kero hiyo Mnwele alimwagiza afisa elimu msingi kutoa ufafanuzi kwa undani ili kumaliza changamoto hiyo ambapo Maafisa elimu wamesema kiasi cha shilingi milioni 120 zimetengwa kwa ajili ya kata ya Mbanja kwamba kupitia fedha hizo huenda ikawa neema kwa kutatua changamoto hiyo.

Afisa elimu ndugu matilda luvanda akitoa ufafanuzi juu ya kero za wananchi.

Aidha Mkurugenzi ametoa rai kwa wananchi kutojenga chuki na mamlaka ya ndege kupitia mgogoro uliopo wa upanuzi wa eneo la uwanja hadi kufikia maeneo ya watu kwani suala hilo lipo juu ya uwezo wa Ofisi kuu  kwahiyo waendelee kuvumilia ili kusubiri wataalamu wizara ya ardhi ili waje kutoa ufafanuzi juu ya hilo.

Bw.Mnwele amewahakikishia wananchi wa Mbanja kwa kero ambazo hazijapatiwa ufumbuzi watajitahidi kama wataalamu kwa kadiri wanavyoweza ili kuhakikisha kila mtu anapata haki yake.Kwa wale ambao wamepitiwa na eneo la mradi wa gesi na wameshapata fidia kuhakikisha wanafanya mambo ya maendeleo.