MANISPAA YA LINDI YAPONGEZWA KWA KUPATA YAPATA HATI SAFI YA UKAGUZI.

Imetumwa: June 18th, 2025

ni

Katibu Tawala wa Mkoa wa Lindi, Bi. Zuwena Omari, ameupongeza uongozi wa Halmashauri ya Manispaa ya Lindi kwa kupata Hati Safi ya Ukaguzi  katika ripoti za Mdhibiti na Mkaguzi Mkuu wa Hesabu za Serikali (CAG).

 Pongezi hizo amezitoa  leo tarehe 18, Juni, 2025 wakati Akimuwakilisha Mkuu wa Mkoa wa Lindi Mhe. Zainab Telack katika kikao maalumu cha Baraza la Madiwani kilichofanyika katika ukumbi wa mikutano wa Dock yard Hall Center kwa ajili ya kuchambua na kujadili taarifa ya CAG ya mwaka wa fedha 2023/2024

Kikao hicho kimehusisha Waheshimiwa Madiwani wa Halmashauri hiyo, Wakuu wa ldara na Vitengo (CMT), Kamati ya Ulinzi na Usalama ya Wilaya, Wakaguzi kutoka Ofisi ya CAG Mkoa wa Lindi, viongozi wa Chama Cha Mapinduzi (CCM), Katibu Tawala wa Wilaya pamoja na wajumbe wa Sekretarieti ya Mkoa wa Lindi pamoja na watumishi wa Halmashauri ya Manispaa ya Lindi.

Aidha Bi, Zuwena ameipongeza Halmashauri Kwa ushirikiano mzuri baina ya madiwani na wataalam na kuchochea utendaji kazi na ufanisi uliochangia kupata hati safi unapaswa kuwa mfano kwa Halmashauri nyingine ndani ya Mkoa wa Lindi na kuwataka viongozi kuendelea kusimamia kikamilifu utekelezaji wa mapendekezo ya CAG ili kuimarisha zaidi mifumo ya kifedha na kiutawala.

Naye  Mkuu wa Wilaya ya Lindi Mhe.Victoria Mwanziva amewapongeza Waheshimiwa madiwani Kwa kazi nzuri waliyoifanya Kwa wa Kipindi chote walichohudumu ndani ya Halmashauri ya Manispaa ya Lindi.

Katika hatua nyingine Mstahiki Meya wa Halmashauri ya Manispaa Lindi Mhe. Frank Magali amewapongeza wakuu wa idara na vitengo pamoja na watumishi wote Kwa ushirikiano wao na Baraza la madiwani katika   kuleta maendeleo makubwa Kwa sekta zote  ndani ya Halmashauri ya Manispaa ya lindi.

Sambamba na hilo Mkurugenzi wa Halmashauri ya Manispaa ya Lindi Juma Mnwele amewashukuru waheshimiwa madiwani kwa Usimamizi na utekelezaji miradi mbalimbali ya maendeleo kwa Kipindi chote cha uongozi wao.