MANISPAA YA LINDI YAPATA UFADHILI WA VITABU 11,906 KWA SHULE ZA SEKONDARI KUTOKA KWA KAMPUNI ZA KIMATAIFA ZA NISHATI ZA SHELL NA EQUINOR.

Imetumwa: January 29th, 2024

Mkuu wa Mkoa wa Lindi Mhe. Zainab Telack mapema  tarehe 29, Januari 2024 amepokea jumla ya vitabu 17,076  vyenye thamani ya shilingi Milioni 180 ambavyo ni Sehemu ya mitaala ya Elimu ya Sekondari Tanzania kwa kiwango cha kawaida yaani O' level vinavyotarajiwa kusambazwa katika Shule 21 za Sekondari kwa Halmashauri ya Manispaa ya Lindi pamoja na Halmashauri ya Mtama ambapo kwa Halmashauri ya Manispaa ya Lindi imepata shule 11 kwa upande wa Halmashauri ya Mtama imepata shule 10.

Halmashauri ya Manispaa ya Lindi imepokea vitabu 11, 906 pamoja na Halmashauri ya Mtama vitabu 5170.

Shule ambazo zimepokea vitabu hivyo katika Halmashauri ya Manispaa ya Lindi  ni pamoja na shule ya Sekondari Lindi, Mchinga, Zainab Telack, Angaza, Chikonji, Shaibu Ndemanga, Likong'o, Kilangala, Mipingo pamoja na  Kitumbikwela.

Aidha  Mhe. Zainab Telack ameshukuru mashirika  hayo ya Nishati ya (IECs) Shell na Equinor kwa ufadhili huo wa vitabu lakini pia  ameahidi ufuatiliaji  katika ufundishaji na usomaji wa vitabu vyote kwa shule  ambazo zimepokea Vitabu hivyo.

Sambamba na hilo Mhe. Telack amepongeza juhudi zilizofanywa na kampuni hizo katika kuunga mkono jitihada zinazofanywa na serikali ya Mkoa wa Lindi katika kuinua kiwango cha elimu na ufaulu wa wanafunzi.

Vitabu hivyo ni kwa masomo ya Hisabati, Fizikia, Kemia, Baiolojia, Jiografia, Uraia, Kiswahili, Book- keeping, pamoja na Kingereza vinatarajiwa kutatua changamoto za uhaba wa vitabu vya kujisomea  kwa wanafunzi, ikiwa ni sehemu ya programu za uwekezaji wa kijamii unaofanywa na kampuni hizo za kimataifa za nishati.