MANISPAA YA LINDI KUANZISHA ZOEZI LA UPANDAJI MITI

Imetumwa: April 1st, 2023

Manispaa ya Lindi ni moja ya Manispaa ambayo imehakikisha mazingira na uoto wa asili yanaendelea kuwa mazuri. Zoezi ambalo lime zinduliwa siku ya Jumamosi April 1 na kaimu mkuu wa wilaya ya Lindi Ndg,Mbwana Kambangwa.

Hayo yamethibitishwa baada ya Afisa mazingira Manispaa ya Lindi ndg,Mabula Emanuel kusimamia zoezi la upandaji miti siku ya jumamosi Aprili 1 ndani ya Manispaa ya Lindi. Zoezi hilo la upandaji miti lina husisha upandaji wa jumla ya miti 6000,ambapo miti 5000 ni ya vivuli na miti 1000 ya matunda,ambapo kwa siku ya kwanza ya ufunguzi wa zoezi hilo miti 200 ilipandwa katika zahanati ya banduka.

Lengo la zoezi hili la upandaji miti kwa muda wa siku tano ni kuhakikisha Manispaa ya Lindi inakwenda kuwa ya kijani kwa kuhakikisha miti inapandwa maeneo mbalimbali ndani ya Manispaa ya Lindi kama vile shule za msingi 13, shule za sekondari 13 pamoja na vituo 6 vipya vya afya ikiwemo zahanati ya Banduka. 

Kupitia zoezi  hilo lina kwenda kupendesha Manispaa ya Lindi kwa kupanda miti kuanzia eneo la Mangrove mpaka Mmongo ambapo itapndwa miti ya matunda na vivuli,kando kando ya barabara kuu iendayo Dar es salaam,lakini pia miti itapandwa pembezoni mwa bahari kuanzia sea view mpaka eneo la mashujaa,na mwisho  miti itapandwa kuanzia eneo la round about mpaka eneo la fisi pembezoni mwa barabara.

Awali Kaimu mkuu wa wilaya ya Lindi ndg,Mbwana Kambangwa ali wapongeza Mhe. diwani na Mwenyekiti wa kata ya Rasbura kwa jitihada kubwa walizo zifanya katika kusimamia ujenzi wa zahanati ya Banduka,lakini pia aliwahimiza wakazi wa kata ya Rasbura kuhakikisha wanapanda miti katika maeneo yao na kuweza kuisimamia miti hiyo mpaka hatua ya mwisho ili tuweze kuifanya Manispaa yetu iendelee  kuwa ya kijani.