MAHAKAMA MTANDAO YAONGEZA UFANISI MAHAKAMANI.

Imetumwa: February 2nd, 2022

Katika kuadhimisha wiki ya sheria kitaifa kilele cha maadhimisho hayo kwa Manispaa ya Lindi yamefanyika leo 2.2.2022 katika viwanja vya hakimu mkazi Lindi ambapo mgeni rasmi wa maadhimisho hayo ni Mkuu wa Wilaya Ndugu Shaibu Ndemanga akimuwakilisha Mkuu wa Mkoa wa Lindi Mhe.Zainab Telack.Kauli mbiu ya mwaka huu ni “Zama za Mapinduzi ya nne ya Viwanda:Safari ya Maboresho kuelekea Mahakama Mtandao”

Matumizi ya mahakama mtandao yaani usajili wa kesi,uotoaji wa ushahidi,usuluhishi na kazi zote za mahakama kufanyika kielektroniki imeongeza ufanisi wa utendaji kazi mahakani ikiwemo urundikwaji wa kesi umepungua ukilinganisha na hapo awali hivyo kufanya kazi kuwa nyepesi.Ameyasema hayo Hakimu mkazi mfawidhi wa Mkoa wa Lindi Consolata Singano alipokuwa akihutubia katika maadhimisho hayo.Amesema ukuaji wa Teknolojia ya Habari na Mawasiliano imekuwa Nyanja katika kuhakikisha kazi zinafanya kwa ufanisi ambapo kwa kutumia mahakama mtandao mashauri yanaendeshwa hata kama mtuhumiwa yupo mkoa tofauti.

Aidha,akimuwakilisha Mkuu wa Mkoa Mkuu wa Wilaya Bwana Ndemanga amesema maboresho yaliyofanywa yapo kwa mujibu wa sheria ambapo serikali imefanya ili mahakama itende kazi zake kwa ufasaha Zaidi.Amewapongeza wafanyakazi wa mahakama kwa kazi kubwa waliyofanya ndani ya wiki hii ya sheria ya kuhakikisha wanapita shuleni na sehemu mbalimbali kutoa elimu juu ya kazi zinazofanywa na mahakama ambapo sasa wanafunzi wanauelewa wa kutosha juu chombo hicho hivyo amewaomba kuendelea na utaratibu huo ili kuhakikisha wananchi wanakuwa na uelewa mpana Zaidi pale wanapozungumzia mhimili huo.

Vilevile,Ndemanga amesisitiza uadilifu katika utekelezaji wa majukumu yetu.