MAAFISA WAANDIKISHAJI WASAIDIZI NGAZI YA KATA WAPEWA MAFUNZO JUU YA UBORESHAJI WA DAFTARI LA KUDUMU LA WAPIGA KURA.

Imetumwa: December 21st, 2024

Maafisa waandikishaji wasaidizi ngazi ya kata Halmashauri ya Manispaa ya Lindi kwa majimbo mawili ambayo ni jimbo la Mchinga pamoja na Jimbo la Lindi Mjini wamepewa Mafunzo juu ya uandikishaji na uboreshaji wa daftari la kudumu la wapiga kura.

Akiongea na Wasimamizi wa uchaguzi ngazi ya kata wakati wa ufunguzi wa mafunzo hayo mapema Leo tarehe 21 Januari 2025 Msimamizi Mkuu wa Uchaguzi Halmashauri ya Manispaa ya Lindi Juma Mnwele amesema mawakala wa vyama vya siasa wataruhusiwa kuwepo katika vituo vya kuandikisha wapiga kura Kwani huleta uwazi katika zoezi zima lakini pia watatumika kutambua wapiga kura wa eneo husika na hivyo kupelekea kupunguza vurugu  zisizo na ulazima, hata hivyo mawakala hao hawataruhusiwa kuingiilia utekelezaji wa majukumu ya waandikishaji wasaidizi ngazi ya kata kipindi chote cha uandikishaji wa zoezi hilo la  daftari la kudumu la wapiga kura vituoni.

Sambamba na hilo Mnwele ametoa wito kwa  Wasimamizi hao kutunza na kuhifadhi vifaa ambavyo vita tumika katika zoezi la uandikishaji wa Daftari la kudumu la wapiga kura pamoja  na kuzingatia maelekezo yote yatakayotolewa na Tume huru ya taifa ya uchaguzi ili waweze kuyafanyia kazi kwa usahihi wakati zoezi litakapo anza.

Mafunzo hayo kwa maafisa waandikishaji wasaidizi ngazi ya kata yatafanyika kwa siku mbili kuanzia tarehe 21-22 Januari 2025, kwenye ukumbi wa Mikutano wa Dockyard Hall Centre, ambapo baada ya mafunzo hayo wakufunzi hao watakwenda kuwafundisha waandikishaji wasaidizi ngazi ya vituo pamoja na waendesha vifaa vya bayometriki kuanzia Tarehe 25 na 26.

Kauli mbiu ya uboreshaji wa daftari la kudumu la wapiga kura  kwa mwaka 2024/25 inasema :

“Kujiandikisha Kuwa Mpiga Kura ni Msingi wa Uchaguzi Bora”