MAAFISA MAENDELEO YA JAMII WAPEWA MAFUNZO YA MIKOPO YA VIKUNDI.

Imetumwa: September 28th, 2024

  Mkuu wa Divisheni ya Maendeleo ya Jamii Mkoa wa Lindi, amefungua Mafunzo maalum Kwa Wataalam wa Maendeleo ya Jamii wa Halmashauri ya Manispaa ya Lindi Ngazi ya Kata Leo Septemba 28,2024.

Mafunzo hayo yamefanyika katika Ukumbi wa DDC Manispaa ya  Lindi ambapo Wataalam 31 kutoka Kata zote za Manispaa hiyo wamewezeshwa.

Lengo la Mafunzo hayo ni kuwajengea uwezo Wataalam ili wawe na uelewa wa Pamoja juu ya taratibu zakufuata katika kufanikisha ukopeshaji wa Vikundi vya Wanawake,Vijana na Watu wenye Ulemavu.

Pia Wataalam wamejifunza namna ya kutumia Mfumo wa mikopohalmashauri.tamisemi.go.tz katika usajili wa Vikundi na uombaji wa Mikopo.

Nae Mkuu wa Divisheni ya Maendeleo ya Jamii wa Halmashauri ya Manispaa ya Lindi, Moses Mkoveke amesisitiza kufuata Misingi na  uadilifu ili kufanikisha zoezi hilo Kwa  Ufanisi kwani Serikali imetoa Mikopo Kwa Lengo la kuwanufaisha Wananchi ili kujikwamua kiuchumi na si vinginevyo.

Halmashauri ya Manispaa ya Lindi imetenga Fedha kiasi Cha Shilingi 437,900,739.40 katika Robo ya kwanza ya Mwaka wa Fedha 2024/2025