MAADHIMISHO YA SIKU YA WANAWAKE MANISPAA YA LINDI YAFANA.

Imetumwa: March 6th, 2023

Maadhimisho ya siku ya wanawake Manispaa ya Lindi ambayo yamefanyika katika kata ya Ng'apa kiwanaja cha shule ya msingi Ng'apa yalifanyika tarehe 6 Machi mwaka huu ambapo wageni mbalimbali kutoka ndani ya Manispaa ya Lindi kama vile mstahiki meya wa manispaa ya Lindi Mhe, Frank Magali,madiwani wa kata mbalimbali zilizopo ndani ya Manispaa ya Lindi,mkurugenzi wa Manispaa ya Lindi Mhe.Juma Mnwele wakuu mbalimbali wa idara,viongozi wa taasisi na asasi mbalimbali za kiraia,waalimu pamoja na wanafunzi walipata kuhudhuria maadhimisho hayo ambapo mgeni rasmi alikuwa ni Mbunge wa jimbo la Lindi Mjini Mhe Hamida Abdallah.

Kwenye maadhimisho hayo michezo mbalimbali ilifanyika ambapo washiriki wa michezo hiyo yote walikuwa ni wanawake,michezo hiyo ni kama vile kufua nazi,kukuna nazi,kuendesha baiskeli,kukimbia na magunia,pamoja na kucheza rede.Katika michezo hiyo yote ambayo wananwake wa kata ya Ng'apa walipata kushiriki,zawadi mbalimbali zilitolewa kwa washindi wote.

Sambamba na michezo hiyo iliyochezwa na wanawake, pia katika maadhimisho hayo vikundi mbalimbali vya burudani kutoka katika maeneo mbali vilipata kutoa burudani mbele ya mgeni rasmi pamoja na wageni waalikwa.Miongoni mwa burudani zilizo tolewa ni pamoja na ngoma,maigizo pamoja na ngonjera.

Akizumgumza na wageni waalikwa katika maadhimisho hayo mgeni rasmi Mhe. Hamida Abdallah(mbunge) alishukuru serikali ya Dkt. Samia Suluhu Hassan kwa kuruhusu maadhimisho hayo ya siku ya wanawake kuendelea kufanyilka miaka yote,lakini pia aliwashukuru kamati ya maandalizi ya sherehe ya wanawake duniani  kwa kumuamini na kuwa mgeni rasmi.Lakini pia alimpongeza mkurugenzi wa Manispaa ya Lindi kwa kuthamini kata zilizokuwa mbali na mjini kupeleka sherehe hiyo ya maadhimisho ya wanawake katika kata hiyo..

Katika hatua nyingine kwenye maadhimisho hayo, mengi yamezungumziwa kuhusiana na maendeleo ya mwanamke, lakini pia utekelezaji wa miradi mbalimbali ambayo imeanzishwa Kwenye kata ya Ng'apa Kupitia serikali ya jamhuri ya muungano wa Tanzania,chini ya Dkt Samia Suluhu Hassan.Miradi hiyo ni kama vile kituo kikubwa cha afya katika kata ya Ng'apa,ambacho kimeghalimu Kiasi cha fedha shilingi Milioni 500,ambapo kituo hicho kimekamilika na kinatoa huduma kwa wakazi wa kata ya Ng'apa.

Sambamba na hilo alielezea hatua zinazo endelea katika kituo cha afya Ng'apa kuwa ni ununuzi wa Mashuka,vitanda pamoja na mashine za BP ili kupunguza tatizo la kujifungua kwa wanawake wa kata hiyo ya Ng'apa.

Lakini pia Mhe.Mbunge amehakikisha wakazi wa kata ya  Ng'apa wanaendelea kupata huduma bora za afya kwa kuchangia kiasi cha fedha shilingi Milioni 4,750,000.Kwaajili ya ujenzi wa zahanati,aidha ametoa agizo kwa  mkurugenzi wa Manispaa ya Lindi Mhe.Juma Mwele kuchangia ujenzi wa zahanati hiyo kiasi cha fedha shilingi Milioni 4,000,000 kutoka kwenye mfuko wa jimbo ili kuhakikisha wananchi wa Ng'apa wanaendelea kupata huduma bora za Afya.Lengo ni kuhakikisha wamama wajawazito wanapata huduma bora wakati wa kujifungua.

Mwisho Mhe,Hamida alifanya ufunguzi wa jukwaa la uwezezaji kiucumi la wanawake ambapo kata ya Ng'apa imekuwa ni kata ya kwanza katika kufungua jukwaa hilo la kiuchumi kwa wanawake.Mhe. Hamida alimkabidhi mstahiki meya wa Manisopaa ya Lindi vitanda 10 vya kujifungulia ,mashine kumi,pamoja na mashuka 50 kwaajili ya zahanati4 zilizo jengwa kupitia fedha zilizo tolewa na Dkt Samia Suluhu Hassan,Zahanati hizo ni zahanati ya Tandangongoro,mtanda,banduka pamoja na Ruaha.Lakini pia Mhe. Hamida alikabidhi viti 100 kwa shule ya sekondari Ndemanga.Vilevile alitoa  tofali 3000 kwaajili ya ujenzi wa zahanati, ambapo tofali 1000 zinakwenda kwenye ujenzi wa zahanati ya Ng'apa,tofali 1000 kwaajili ya ujenzi wa zahanati ya Mkwaya na tofali 1000 katika ujenzi wa zahanati ya Nachingwea ili kuongeza ukubwa wa chumba cha kujifungulia  katika zahanati hiyo."Kauli mbiu ya maadhimisho ya siku ya wanawake dunian kwa mwaka huu 2023 ni"Ubunifu na mabadiliko ya kiteknojia chachu katika kuleta usawa wakijinsia".