MAADHIMISHO YA SIKU YA LISHE KITAIFA MANISPAA YA LINDI YATAMATIKA KWA WAZAZI NA VIJANA BALEHE KUPATA ELIMU JUU YA MASUALA YA LISHE.

Imetumwa: October 30th, 2023

Kilele Cha Madhimisho ya Siku ya Afya na Lishe Kitaifa. Imefanyika Kata ya Msinjahili Manispaa ya Lindi eneo la Shule ya msingi Msinjahili Tarehe 30 Oktoba, 2023. kaulimbiu ya mwaka huu ikwa ni "Lishe Bora kwa Vijana Balehe, Chachu ya Mafanikio Yao".

Aidha katika siku hii maafisa wa lishe Manispaa ya Lindi walipata kutoa elimu ya Lishe kwa Vijana balehe miaka 10-19 na Wazazi , Uhamasishaji wa Matumizi ya Chumvi yenye Madinijoto , uhamasishaji kwa wazazi kushiriki uchangiaji wa chakula cha wanafunzi shuleni pamoja na ,Tathmini ya Hali ya Lishe kwa Vijana na Wazazi.

Kwa upande wa wazazi na wanafunzi walitoa shukrani kwa serikali ya jamhuri ya muungano wa Tanzania inayo ongozwa na Dkt Samia Suluhu Hassan kwa kusimamia vema masuala ya lishe mashuleni na katika jamii kwa ujumla lakini pia wamepongeza maafisa wa lishe Manispaa ya Lindi kwa kazi nzuri ya kutoa elimu juu ya masuala ya lishe kwa Jamii.