KAYA ZA WALENGWA WA MPANGO WA KUNUSURU KAYA MASIKINI TASAF KUHAKIKIWA KIELEKRONIKI.

Imetumwa: August 4th, 2020

Katika kutekeleza maelekezo ya Mheshimiwa Rais wa Jamhuri ya Muungano wa Tanzania Dr. John Pombe Magufuli ya kufanya uhakiki wa kaya za walengwa wa mpango wa kunusuru kaya masikini Tanzania na kuondoa wote wasiostahili, Mfuko wa Maendeleo ya jamii- TASAF umewajengea wawezeshaji wote watakaohusika katika zoezi la uhakiki uwezo wa kutambua kaya za walengwa katika mpango wa kunusuru kaya masikini.Mheshimiwa Rais alisema "Uwepo wa kaya hewa ni aibu kwa viongozi, kwa hiyo ni vyema kusimamiwa kwa umakini".

Zoezi la kujenga uwezo pia limehusisha wakuu wa idara kwasababu mpango wa pili kwa awamu ya tatu ya TASAF utakuwa na utekelezaji wa miradi mbalimbali ya sekta mbalimbali zilizopo katika Halmashauri husika, hivyo wasimamizi wakuu wa miradi hiyo ni wakuu wa idara.Lengo la uhakiki ni kupata orodha halisi ya kaya za walengwa wenye vigezo ambapo zoezi litahusisha kusafisha daftari la walengwa na kuondoa walengwa wote waliopoteza sifa. Baadhi ya walengwa ambao wanaweza kupoteza sifa ni:

1. Aliyefariki na hana tegemezi.
2. Aliyehamia sehemu ambayo mpango hautekelezwi.
3. Kaya ambayo haijafika kupokea malipo mara mbili mfululizo.
4. Ambaye amepata uongozi.
5. Mtumishi/Mwajiriwa anayepokea mshahara.
6. Ambaye sio masikini (Aliyeingia kwenye mpango akiwa na uwezo kiuchumi).

Ili kutekeleza agizo la Mheshimiwa Rais kwa ufanisi, TASAF imeamua kutumia TEHAMA kuhakiki kaya za walengwa wa mpango wa kunusuru kaya masikini Tanzania.Katika zoezi walengwa watatakiwa kuchagua njia sahihi za kupokea ruzuku zao.Malipo yote yatafanyika kielektroniki yaani kwa njia ya mitandao ya simu au benki kwa sababu za kiusalama.