KATIBU TAWALA MKOA WA LINDI AKUTANA NA WATUMISHI WA MANISPAA YA LINDI.

Imetumwa: May 3rd, 2023

Katibu tawala mkoa wa Lindi Mhe. Zuwena Omari na watumishi wa Manispaa ya Lindi, wamefanya kikao kazi kikiwa na lengo la kufahamiana lakini pia kutambua changamoto mbalimbali za watumishi wa Manispaa ya Lindi. Kikao hicho kimefanyika katika ukumbi wa DDC Manispaa ya Lindi.

Kwenye kikao hicho pia kilipata kuhudhuriwa na katibu tawala wilaya ya Lindi Mhe. Mbwana Kambangwa lakini pia Mkurugenzi wa Manispaa ya Lindi Juma Mnwele.

Aidha katibu tawala amesisitiza suala la ufanyaji wa usafi katika Manispaa ya Lindi kwa kuwaomba watumishi kushiriki katika ufanyaji wa usafi lakini pia upandaji wa miti  katika maeneo mbalimbali kama vile mashuleni pamoja na hospitalini.

Vile vile katibu tawala alizungumzia suala la usimamizi wa miradi mbalimbali ya maendeleo katika Manispaa yetu kwa kuwakumbusha maafisa tarafa,maafisa maendeleo pamoja na watendaji wa kata kuzingatia suala la usimamizi wa miradi mbalimbali  na kukahukisha miradi hiyo inakamilika kwa wakati. 

Mwisho afisa elimu sekondari ndg, Rehema Nahale alipata nafasi ya kuongea mbele ya mgeni rasmi kwa kumshukuru katibu tawala kwa kupata nafasi kuongea na watumishi wa Manispaa ya Lindi. Lakini pia alimtoa wasiwasi katibu tawala kwa kuthibitisha kwamba wamepokea maelekezo yake  na kwamba yatafanyiwa kazi.