KAMATI YA URATIBU MWENGE MKOA WA LINDI YARIDHISHWA NA MIRADI PENDEKEZWA YA MWENGE. MANISPAA YA LINDI.

Imetumwa: March 27th, 2025

Kamati ya uratibu mwenge Mkoa wa Lindi imetembelea na kukagua miradi pendekezwa ya mwenge ndani ya Halmashauri ya Manispaa ya Lindi Leo Machi 27,2025 ambapo imeridhishwa na hatua nzuri zilizofikiwa kwenye miradi hiyo.

Miradi ambayo imetembelewa ni pamoja na Ujenzi wa kituo Cha mafuta buti la zungu kilichopo kata ya Jamhuri chenye thamani ya shilingi 2,230,000,000, kutembelea Kikundi cha vijana cha Salumu Decoration kilichopatiwa mikopo na Halmashauri  wenye thamani ya shilingi  20,000,000 na  Kuona shughuli za Vijana hao, Kikundi kilichopo kata ya matopeni, pamoja na Ujenzi wa barabara kwa kiwango cha lami kuelekea shule ya sekondari ya wasichana kilangala, kata ya Kilangala  mradi wenye wenye thamani ya shilingi 1,390,525,885.

Miradi mingine ni pamoja na Ujenzi wa nyumba ya Mkurugenzi iliyopo kata ya Rasbura wenye thamani ya shilingi 250,000,000,Kuona shughuli za klabu ya utunzaji na uhifadhi wa mazingira shule ya msingi Mnazi Mmoja (B), kata ya Mnazi mmoja, Ujenzi wa jengo la ofisi ya NHIF lililopo kata ya Rasbura lenye thamani ya shilingi 401,089,904.8, Ujenzi wa vyumba 7 vya madarasa, Vyumba 2 vya madarasa ya awali vyoo matundu 6, vile vile Jengo la utawala shule ya msingi Stadium kata ya Mikumbi ,wenye thamani ya shilingi 334,600,000 pamoja na  kutembelea na kuona shughuli za matumizi ya Nishati safi katika shule ya Sekondari Lindi Wasichana iliyopo kata ya Kilangala.

Aidha kamati hiyo imetoa maelekezo kwa timu ya wataalam wa Halmashauri ya Manispaa ya Lindi kuhakikisha nyaraka zote muhimu za miradi zinapatikana katika kila Mradi husika.

Sambamba na hilo kamati imeiomba timu  ya wataalam Halmashauri ya Manispaa ya Lindi kuendelea kufanya ufuatiliaji wa miradi hiyo mara kwa mara ili kujua maendeleo ya miradi husika.

Manispaa ya Lindi inategemea kupokea mbio za mwenge wa Uhuru kutoka Halmashauri ya Mtama Mnamo Mei , 27, 2025, shime Kwa wakazi wa Manispaa ya Lindi kujitokeza ifikapo siku hiyo kwaajili ya kupokea na kukimbiza mwenge wa Uhuru.

Kauli mbiu ya mwenge wa Uhuru mwaka 2025 inasema 

"Jitokeze kushiriki Uchaguzi Mkuu wa mwaka 2025 kwa amani na Utulivu".