KAMATI YA KUDHIBITI UKIMWI HALMASHAURI YA MJI KIBAHA YAFANYA ZIARA MANISPAA YA LINDI

Imetumwa: September 29th, 2022

Kamati ya kudhibiti UKIMWI ya Halmashauri ya Mji Kibaha imefanya ziara leo 29/09/2022 katika Manispaa ya Lindi.Kamati hiyo ikiongozwa na Mwenyekiti ya Halmashauri Mstahiki Meya Mhe.Mussa Ndomba na Mkurugenzi ndugu Mshamu Munde wamefanya ziara yenye lengo la kujifunza ni kwa namna gani Lindi imeweza kupunguza kwa kiasi kikubwa maambukizi mapya ya virusi vya UKIMWI hadi kufikia 0.3%.

Kamati imeweza kupata taarifa fupi ya kwa namna gani Lindi imeweza kudhibiti kwa kiasi kubwa maambukizi mapya ya UKIMWI na wameweza kutembelea kituo cha afya cha mji na konga ambapo wameweza kujifunza mambo mbalimbali.

Meya wa Manispaa ya Lindi Mhe.Frank Magali amewashukuru kwa ujio wa kamati hiyo ambapo amesema ujio wao utawapa chachu kwa Manispaa ya Lindi kuendelea kuweka mipango thabiti ya kumaliza kabisa maambukizi mapya.Pia amesema ujio huo umewapa motisha ya kuona kwamba na wao wana nafasi ya kwenda kibaha kujifunza mambo mbalimbali.

Aidha,Mhe.Meya amewaambia fursa iliyopo kwa sasa kwamba Manispaa inauza viwanja kwahiyo mwenye uhitaji wa viwanja basi Manispaa ya Lindi vinapatikana ukizingatia kuna fursa mbalimbali ikiwemo mradi wa gesi unaotarajiwa kuanza utekelezaji wake karibuni hivyo wakaribie sana Manispaa ya Lindi kununua viwanja na kufanya uwekezaji.

Mstahiki Meya wa Halmashauri ya Mji Kibaha Mhe.Ndomba amewashukuru wanamanispaa kwa mapokezi mazuri lakini pia kupata mambo mbalimbali ya kujifunza ili kujua wapi waongeze na wapi kwa kupunguza ili waweze kufikia lengo la kudhibiti maambukizi mapya ya Ukimwi Kibaha ambapo kwa sasa Kibaha ina 5.2% ya maambukizi mapya.

Mkurugenzi wa Halmashauri ya mji Kibaha ndugu Mshamu Munde amezitaka Halmashauri hizi kutafuta wafadhili zaidi ili kuweza kupunguza changamoto zinazowakabili kwani wafadhili walipo hawatoshi kufikia vituo vyote vya kutolea huduma.