MHESHIMIWA RAIS AZINDUA MKAKATI WA TANO WA KUDHIBITI UKIMWI

Imetumwa: December 1st, 2022

Rais wa Jamhuri ya Muungano wa Tanzania Mh Dkt  Samia Suluhu Hassan  amewaagiza TACAIDS na Wizara ya Afya , Wizara ya Waziri Mkuu pamoja na wadau mbalimbali kuhakikisha  wanaweka mikakati thabiti ya kuhakikisha  ifikapo 2030 janga la Ukimwi Nchini halitakuwepo.

Akizungumza  leo katika Uwanja wa Ilulu ambao ilikuwa ni Kilele cha Maadhimisho ya Siku ya Ukimwi  Duniani  Mh Dkt  Samia Suluhu Hassan  amesema inahitajika mikakati thabiti ya kufanya kwanza Kuweka mikakati ya kutofanya unyanyasaji kwa watu wenye maambukizi ya ya Virusi vya Ukimwi Nchini.

Rais Mh Dkt Samia Suluhu Hassan amesema Mkakati mwingine ni kupunguza vifo vya watu wenye maambukizi ya Virusi vya Ukimwi nchini kwa kutoa elimu kwa walengwa kwa kuwa wengi wao wavivu kunywa dawa  hivyo inahitaji elimu ipasavyo.

" nimezindua Mkakati wa tano wa Kuthibiti Ukimwi Nchini hivyo niwatake Wizara zote na wadau mbalimbali  kuhakikisha mnasimamia kikamilifu mikakati hiyo ili iwe chachu ya kutokomeza Ukimwi  nchini ifikapo 2030. Mh Dkt Samia.

Hata hivyo Rais Mh  Dkt Samia Suluhu Hassan amesema kauli mbiu iliyotumika mwaka huu ni ishara tosha ya kuendelea Kuimarisha  Usawa kwa kuhakikisha unyanyapa wa watu wenye maambukizi wa Virusi vya Ukimwi nchini unaondolewa na kuweza kuwajali na kuwadhamini kikamilifu.

Rais Mh Dkt Samia  amewaomba Baraza la wanaoishi na Maambukizi ya Virusi vya Ukimwi Nchi  pale wanapopata fedha za Wafadhili kuweza kuendelea na Kuendesha kampeni  ya kutoa elimu kwa Vyuo Vikuu, Sekondali na shule za Msingi ili wapate elimu juu upimaji wa VVU na Ukimwi  .

" Sisi kama Serikali  tupo na nyie  katika Kuhakikisha  mnapata huduma iliyobora  na dawa zinapatikana  katika Kila sehemu  hususani vituo vya afya ,Zahanati na hospitali za wilaya na Mkoa hivyo niwaombe muendele kutumia  dawa  ipasavyo " Mh Dkt Samia.

Nae Waziri Mkuu  wa Jamhuri ya Muungano  wa Tanzania  Mheshimies Kassim Majaliwa amewapongeza wadau wote ambao wameweza Kuhakikisha  wanafanikisha Kilele hiki ambacho kimekuwa ni chachu ya wananchi wa Mkoa wa Lindi na Taifa kwa ujumla katika Kuhakikisha  wanapata elimu juu ya Maambukizi ya Virusi vya Ukimwi Nchini.

" Maagizo yote ambayo umetupa sisi Mh Rais tutayafanyia kazi ipasavyo  na tutahakikisha malengo na mikakati thabiti tuliyojiwekea inasimamiwa kikamilifu kwa kuhakikisha ifikapo 2030 Janga la Ukimwi Nchini linatokomezwa kwa kiasi kikubwa."Mh Majaliwa .

Mkuu wa Mkoa wa Lindi  Zainab Telack  amesema Mapambano dhidi ya janga hatari la Ukimwi  yanaendelea kutekelezwa katika mkoa wetu, jitihada zilizofanyika zimetusaidia kwa kiwango kikubwa kupunguza maambukizi ya Virusi vya Ukimwi  kutoka 3.9 [mwaka 2008] hadi kufikia 0.3% [kwa utafiti uliofanyika mwaka 2017], Kiwango cha chini cha wastani wa kitaifa ni 4.7%.

Mh Telack  amesema tunaendelea na jitihada kwa kuanzisha vituo 130 vinavyotoa huduma za Tiba na Mafunzo (CTC) katika Wilaya zote na katika utekelezaji wa malengo ya tisini na tano 3 [95, 95, 95], mkoa umefikia 92% ya wenye maambukizi ya VVU kujua hali zao, 98% ya waliobainika na maambukizi kuanzishiwa matibabu ya dawa za kupunguza makali ya VVU na 95% ya wale walioanza dawa wamepunguza kiwango cha virusi mwilini.

" naomba nikupongeza Mh Rais Dkt Samia Suluhu Hassan  kwa kuwaleta fedha nyingi katika Idara ya Afya ndani ya Mkoa wangu na kuwashika mkono watu wenye maambukizi ya VVU vya Ukimwi kwa kuleta dawa Nyingi na kuleta wadau wengi kwa ajili yakuhamasisha upimaji wa afya kwa wananchi