FURSA ZA UWEKEZAJI KATIKA MANISPAA YA LINDI

Imetumwa: June 10th, 2020

Zijue fursa za uwekezaji zinazochangamkiwa na wawekezaji na wadau mbalimbali katika manispaa ya Lindi:

• Ndipo unajengwa mtambo mkubwa wa kisasa wa uchakataji Gesi Asilia (LNG plant) wenye thamani ya USD 30Billion sawa na Tshs 70 Trillioni . mradi huu unatarajiwa kuwa wenye thamani zaidi kuwahi kutokea kwa nchi za Afrika Mashariki na Kati. Utakuwa na uwezo wa kulisha viwanda vingine vingi vitakavyokuwa vikitumia by products zake. Jirani na eneo hili la LNG limetengwa eneo lenye ukubwa wa zaidi ya ekari 15,000 kwa ajili ya viwanda hivyo tarajiwa (Petro Chemical Industries). Kupitia uwekezaji huo, ajira nyingi zinatarajiwa kuzalishwa nchini. 

• Ndio Manispaa inayojishughulisha na kilimo na ufugaji kwa kiwango kikubwa kuliko Manispaa zote nchini, hii inatokana na kuwa na eneo kubwa lenye Uoto mzuri na vyanzo vya kutosha vya Maji. Mwaka 2017/18 zaidi ya ekari 40,000 ziligawiwa kwa watu /taasisi mbalimbali kwa ajili ya Uwekezaji wa Kilimo cha Korosho na Ufuta.  Mazao haya kwasasa ndiyo yanaongoza kwa kuliingizia Taifa fedha za Kigeni. Maeneo bado yanaendelea kutolewa kwa watu na taasisi zenye mahitaji ya  uwekezaji.

Korosho

Ufuta

• Pia ina eneo la fukwe lenye urefu wa zaidi ya kilometa 200 zinazosadikiwa kuwa miongoni mwa fukwe nzuri na bora kabisa duniani. Maeneo haya ambayo hayajatumika kikamilifu yanafaa kwa ajili ya shughuli za Kitalii, mapumziko, michezo na uvuvi. Kutokana na uwekezaji mkubwa wa kiwanda cha kuchakata Gesi Asilia (LNG) , ni dhahiri kuwa mahitaji ya huduma za hoteli na maeneo ya burudani fukweni yatakuwa makubwa. Tunakaribisha maombi ya uwekezaji katika eneo hili.

• Halmashauri ina maeneo mengi yenye  akiba kubwa sana ya madini ya “Gypsum” na “graphite”. Uwepo wa madini haya muhimu kwa matumizi ya viwandani, yanathibitisha kuwa Lindi ndio sehemu sahihi ya uwekezaji kwa taasisi na mwanachi mmoja mmoja.

• Chuo Kikuu cha Dar es Salaam na Chuo cha Taifa cha Usafirishaji (NIT) ni miongoni mwa taasisi zilizoweza kubaini “potentials” zilizopo Manispaa ya Lindi na sasa Chuo Kikuu cha Dar es Salaam kipo hatua nzuri ya uanzishaji wa Ndaki ya Kilimo na Teknolojia ya Uvuvi (College of Agriculture and Fisheries Technology) eneo la Ngongo, aidha Chuo cha Taifa cha Usafirishaji nao wapo hatua nzuri wa Uanzishaji wa Ndaki ya Usafirshaji  Majini na masuala ya Mafuta (Maritime studies and Petroleum Technology eneo la Kikwetu).

The College of Agriculture and Fisheries Technology (UDSM) eneo la NgongoThe College of Agriculture and Fisheries Technology (UDSM) eneo la Ngongo

The College of Maritime studies and Petroleum Technology (NIT) eneo la Kikwetu

• Kwa asiyefahamu, Manispaa ya lindi ndiyo Manispaa iliyo karibu zaidi na jiji la Dar_es_salaam, baada ya Manispaa ya Morogoro. Ni kwababu hiyo tunadhani kuna kila sababu ya watu na taasisi mbalimbali kuchangamkia fursa zilizopo ikiwa ni pamoja na kununua viwanja vya KIKWETU na NGONGO.

Viwanja vinauzwa kwa bei rafiki  kama ifuatavyo:

• Baada ya kuongezewa jimbo la Mchinga, kwasasa Manispaa ya Lindi inadhaniwa kuwa ndio Manispaa yenye eneo kubwa zaidi la utawala kuliko Manispaa zote nchini kwani inakadiriwa kuwa na eneo lenye ukubwa wa kilometa za mraba zaidi ya 3900. Kwa mjibu wa sensa ya watu na makazi ya mwaka 2012, majimbo yote mawili yalikuwa na jumla ya wakazi takribani 142,142 na hivyo kuwa miongoni mwa Halmashauri zenye idadi ndogo zaidi ya wakazi.  Hapa chini ni mlinganisho wa Manispaa ya Lindi na baadhi ya Halmashauri ya Manispaa nyingine kwa ukubwa wa eneo na idadi ya wakazi.