DIWANI MTEULE KATA YA MIPINGO APATA UAPISHO.

Imetumwa: May 26th, 2023

Diwani mteule kata ya Mipingo Kupitia chama cha mapinduzi (CCM) Mhe. Sina Jamaldin Nyanga akipata kiapo cha utii, mbele ya mwanasheria wa Halmashauri ya Manispaa ya Lindi Salehe Shenghotto, tukio ambalo limefanyika katika ofisi ya Halmashauri Manispaa ya Lindi. 

Mhe. Sina Jamaldin Nyanga ameteuliwa baada ya aliyekuwa diwani wa viti maalum katika kata ya Mipingo Asha Mohamed mpalanga kufariki dunia mnamo tarehe 7 Disemba 2022. 

Mchakato wa uteuzi huo ni baada ya  tume ya uchaguzi wa serikali za mitaa kukaa kikao kwa kuzingatia kifungu cha 86 (A) sehemu ndogo ya 8 na sehemu ndogo ya 9 cha sheria ya uchaguzi wa serikali za mitaa sura ya 292 tume katika kikao chake cha tarehe 8/5/2023 ime mteua Mhe. Sina Jamaldin Nyanga kuwa diwani wa viti maalum katika Halmashauri ya  Manispaa ya Lindi kupitia chama cha mapinduzi.

Aidha, mwanasheria wa Halmashauri ya Manispaa ya Lindi Salehe Shenghotto alimkabidhi nyenzo za kufanyia kazi ikiwemo kanuni za kudumu za uendeshaji mikutano na shughuli za Halmashauri ili zimrahisishie utekelezaji wa majukumu yake.

Sambamba  na hilo Mwenyekiti wa CCM wilaya ya Lindi Mjini. Bakari Ali Bwatamu, alipata nafasi ya kumkabidhi diwani huyo nyenzo za kufanyia kazi ikiwemo katiba ya chama cha mapinduzi (CCM) pamoja na ilani ya uchaguzi ya chama cha mapinduzi ya mwaka 2020/2025.