AFISA LISHE MANISPAA YA LINDI ATEMBELEA MASHAMBA YA CHUMVI MBANJA NA MCHINGA NA KUTOA MAELEKEZO JUU YA KILIMO BORA CHA CHUMVI.

Imetumwa: June 1st, 2023

Maelekezo hayo yametolewa  leo Juni 1, 2023 na afisa lishe Manispaa ya Lindi ,Bakari Abdallah kwa nyakati tofauti baada ya kutembelea mashamba ya chumvi katika maeneo ya Mbanja na Mchinga Manispaa ya Lindi.

Maelekezo hayo ni pamoja na kusafisha vizuri mashamba yao na kutengeneza mazingira mazuri ya mashamba hayo ili kuweza kupata chumvi yenye ubora , sambamba na hilo ni kuhakikisha wana tumia madini joto kwenye chumvi zao baada ya kuvuna lakini pia kuhakisha wana epuka kugawa chumvi isiyo na madini joto kama ujira kwa wafanya kazi wao pindi wanapo kamilisha zoezi la uvunaji wa chumvi katika mashamba yao.

Katika hatua nyingine moja ya mkulima wa chumvi katika mashamba ya chumvi kata  ya Mbanja, Abdallah Mohamed , alielezea changamoto wanazo kutana nazo katika kilimo cha chumvi ikiwemo suala la miundo mbinu, ukosefu wa vitendea kazi  katika mashamba yao lakini pia uhaba wa masoko ya chumvi zao.

Sambamba na hilo ame muhakikishia afisa lishe kuwa wamepokea maelekezo yake na kwamba wata yafanyia kazi.