Kata ya Makonde

UTANGULIZI

Kata ya Makonde ni miongoni mwa kata 20 zilizopo katika Manispaa ya Lindi. kata hii ina mitaa 2 nayo ni mtaa Amani na mtaa wa Shekhebadi, kata ya Makonde ina jumla ya wakazi 1386, wanaume 606 na wanawake 780.

WATUMISHI/UONGOZI

Kata ya Makonde ina jumla ya mitaa 2 nayo ni mtaa wa Shekhebadi na mtaa wa Amani.

MIRADI INAYOTEKELEZWA KWENYE KATA

Kwa kipindi cha robo ya pili kata ya Makonde imetekeleza mradi wa kunusuru kaya masikini mtaa wa Shekhebadi, mradi huu unafadhiliwa na TASAF, kwa kipindi cha robo ya pili hakuna malipo yaliyofanyika kwa walengwa.

BARAZA LA KATA

MAPATO NA MATUMIZI

Kwa kipindi cha robo ya pili kata ya Makonde imepokea pesa kiasi cha Tshs. 103,000/= laki moja na elfu tatu kwa ajili ya matumizi ya Ofisi.

ELIMU

Kata ya Makonde haina shule, watoto wanaotoka kwenye kata hii shule ya msingi wanasoma Msinjaili, Mpilipili na Stadium, kwa upande wa sekondari wengi wao wanasoma Mkonge na Lindi sekondari japo kuwa wengine wanasoma shule zingine kulingana na watakakopangiwa.

KILIMO

 Kata ya Makonde haina maeneo ya kilimo, wakazi wake wanafanya shughuli za kilimo kwenye kata jirani.Shughuli kuu ya wao ni biashara hii inatokana na asili ya eneo la kata.

AFYA

Kata ya Makonde ina kituo cha Afya kimoja ambacho kinatoa huduma kwa wakazi wa kata Makonde na wakazi wa kata nyingine za Manispaa ya Lindi.